ams.tj

«Танзим – баракати зиндагӣ»

Дирӯз дар Хадамоти зиддиинҳисории назди Ҳукумати Ҷумҳурии Тоҷикистон бо иштироки намояндаи Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Хоҷамирзода Муҳсиддин вохӯрӣ баргузор гардид.

Вохӯриро бо сухани ифтитоҳӣ Сардори Хадамоти зиддиинҳисорӣ Вализода И. С., оѓоз намуда, иброз намуда, вобаста ба талаботи Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” муфассал суханронӣ намуданд.

Аз ҷумла қайд намуданд, ки Қонуни мазкур бо тақозои рушди ҷомеа анъана ва ҷашну маросимро танзим намуда, ба ҳифзи арзишҳои асили фарҳанги миллӣ ва эҳтиром ба суннатҳои мардумӣ барои баланд бардоштани сатҳи иҷтимоию иқтисодии ҳаёти шаҳрвандони Ҷумҳурии Тоҷикистон равона гардидааст. Мақсади Қонуни мазкур аз ҳимояи манфиатҳои иҷтимоии мардуми Тоҷикистон, мусоидат барои паст кардани сатҳи камбизоатӣ ва гирифтани пеши роҳи хароҷоти зиёдатӣ, ки ба манфиатҳои иқтисодӣ ва фазои маънавии ҳаёти шаҳрвандон зарари молиявӣ ворид менамоянд, иборат аст. Қонун ҳамчунин барои таъмини ҳуқуқу озодиҳои шаҳрвандон ва тартиботи ҷамъиятӣ равона карда шудааст, таѓйиру иловаҳое, ки ба қонун ворид шуд, пурра ва боз камхарҷу сарфакорона гузаронидани тамоми маъракаҳои тӯйи домодию арӯсӣ, хатнасур, зодрӯз, маросими дафну аъзодориро дар бар мегирад. Мо бояд ҳама якҷоя аз як гиребон сар бароварда сари роҳи исрофкори хароҷотҳои дуюмдараҷа ва қонуншиканиро гирем. Мо халқи меҳнатдӯсти Тоҷикистони азиз сараввал сари роҳи зиёдаравиро аз оилаи худ ва баъдан аз хешу табор, ҳамсояю дустону рафиқони худ оѓоз намоем. Бояд зикр кард, ки чи хеле ки Асосгузори сулҳу ваҳдати милли – Пешвои миллат Президенти Ҷумҳурии Тоҷикистон, муҳтарам Эмомалӣ Раҳмон дар паёмҳои худ гаштаю баргашта таъкид мекунанд, ки мо бояд сари роҳи исрофкориро гирем ва нагузорем, ки ҳеҷ як шаҳрванди Ҷумҳурии Тоҷикистон ба зиёдарави роҳ диҳад, танзим ин баракати имрӯзу фардои мо мебошад.

Сипас ӯ суханро ба намояндаи Кумитаи дин, танзими анъана ва ҷашну маросими назди ҳукумати Ҷумҳурии Тоҷикистон Хоҷамирзода Муҳсиддин дод.

Хоҷамирзода М., дар баромади худ қайд намуданд, ки дар Ҷумҳурии Тоҷикистон асосҳои ҳуқуқии таҷлили рӯзҳои идро Қонуни Ҷумҳурии Тоҷикистон «Дар бораи рӯзҳои ид» муайян менамояд. Қонунгузор муайян намудааст, ки ҷашн гирифтани санаи таъсиси идораву муассисаҳо, ташкилотҳои давлатӣ, ҳамчунин зодрӯз ва ёдбуди шахсоне, ки ба давлат ва ҷамъият хизматҳои шоиста кардаанд, тибқи тартиби муқаррарнамудаи Ҳукумати Ҷумҳурии Тоҷикистон анҷом дода мешавад.

Қайд кардан ба маврид аст, ки дар рӯзҳои баргузории ин ҷашнҳои расмӣ шаҳрванд метавонад маъракаҳои худро низ бо дарназардошти талаботи моддаи 14 Қонуни мазкур баргузор намояд. Тибқи моддаи 8 Қонуни мазкур ҷашнгирии зодрӯз амали ихтиёрие мебошад, ки гузаронидани он танҳо дар доираи оила иҷозат дода мешавад. Янеъ ба ҷашни зодрӯз даъвати одамони бегона (меҳмонон), оростани дастархони ҷашнӣ барои онҳо ва даъвати санъаткорон манъ аст.

Бояд қайд кард, ки то таѓйирот ба Қонуни мазкур маъракаи хатна ҳамчун хатнасур ба гурӯҳи маъракаҳои иҷтимоии берун аз оила мансуб буда, бо дигар маъракаҳои хурсандии мардумӣ, ба мисли тӯйи домодию арӯсӣ якҷоя гузаронида мешуд. Акнун дар якҷоягӣ баргузор намудани ин маъракаҳо манъ шудааст. Зеро дар чунин сурат табиати оилавӣ доштани маърака моҳиятан аз байн меравад.

Хулоса, маъракаҳои оилавиро бо тӯйҳои домодию арӯсӣ, аз ҷумла бо тӯйҳои хайриявӣ ва дигар маъракаҳои мардуми якҷоя кардан мумкин нест.

Тибқи қисми 2 моддаи мазкури Қонун хатна бо розигии падару модар аз рӯзи таваллуди писар то рузи бистуми баъди таваллуд дар муассисахои тиббии дахлдор ба таври ройгон бо тартиби муқаррарнамудаи мақоми ваколатдори давлатӣ дар соҳаи тандурустӣ гузаронида мешавад. Ҳамин тавр, қонунгузор вақти хатнаро барои тифл муайян кардааст. Хатнаи писарбача баъд аз таваллуд шуданаш бо розигии палару модар дар беморхона ва ё дигар муассисаи тиббии дахлдор дар давоми 20 рӯзи баъди таваллуд гузаронида мешавад.

Дар анҷоми суҳбаташ Хоҷамирзода М., оиди қонунвайронкуни аз ҷониби шахсони мансабдор ва хизматчиёни давлати гуфта гузаштанд. Таъкид намуданд, ки ҳангоми риоя накардани талаботи Қонуни мазкур аз ҷониби шахсони воқеӣ ва ҳуқуқӣ, шахсони мансабдор тибқи Кодекси ҳуқуқвайронкунии маъмурии Ҷумҳурии Тоҷикистон парвандаҳои маъмури тартиб дода шуда ҷаримабанди карда мешаванд.

Дар охири ҷаласа Раиси комиссияи ҷамъиятӣ Вализоад И. С., кормандонро вазифадор намуда таъкит карданд, ки иҷрои талаботи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» дар байни кормандон пурзур карда шуда ҳар як корманд барои вайрон ва иҷро накардани он масъул мебошанд.