ams.tj

Ҷамъбасти натиҷаи фаъолияти Хадамот дар нимсолаи якуми соли 2019

         Санаи 11 июли соли 2019 дар Хадамоти зиддиинҳисории назди Ҳукумати Ҷумҳурии Тоҷикистон, ҷаласаи навбатии ҳайати мушовараи ин ниҳод доир гардид.

          Дар кори ҷаласа намояндаи Дастгоҳи иҷроияи Президенти Ҷумҳурии Тоҷикистон, муовинони сардори Хадамот, сардорони раёсатҳои Дастгоҳи марказӣ, раёсатҳо ва шуъбаҳои Хадамот дар вилоятҳои Суғд, Хатлон, ВМКБ ва шаҳри Душанбе иштирок намуданд.

          Ҷаласаи мазкурро Икромиддин Сироҷиддин – Сардори Хадамот роҳбарӣ намуд.

         Одиназода Назар Санг – муовини якуми сардори Хадамот бо маърўза вобаста ба фаъолияти Хадамот дар нимсолаи якуми соли 2019 баромад намуда, аз ҷумла қайд намуд, ки фаъолияти Хадамоти зиддиинҳисории назди Ҳукумати Ҷумҳурии Тоҷикистон дар нимсолаи якуми соли 2019 баҳри таъмини иҷрои дастуру супоришҳое, ки дар Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 22 декабри соли 2018 зикр гардидаанд, қарору супоришҳои Ҳукумати Ҷумҳурии Тоҷикистон, протоколҳои маҷлисҳои Ҳукумати Ҷумҳурии Тоҷикистон ва қонунгузории Ҷумҳурии Тоҷикистон оид ба сиёсати зиддиинҳисорӣ, танзими фаъолияти инҳисороти табиӣ, ҳимояи ҳуқуқи истеъмолкунандагон ва назорати фаъолияти рекламавӣ, нигаронида шуда буд.

Ҳамзамон, ҳисоботи сардорони раёсатҳои Дастгоҳи марказӣ ва раёсату шуъбаҳои Хадамот дар вилоятҳо ва шаҳри Душанбе вобаста ба фаъолияти дар нимсолаи якуми соли 2019 шунида шуд.

Дар охири ҷаласа Сардори Хадамот ҷиҳати боз ҳам беҳтар намудани фаъолияти Хадамот дар самти сиёсати зиддиинҳисорӣ, танзими фаъолияти инҳисороти табиӣ, ҳимояи ҳуқуқи истеъмолкунандагон ва назорати фаъолияти рекламавӣ дар семоҳаи сеюми соли 2019 вазифагузорӣ намуданд.

Бо қарори ҳайати мушовара фаъолияти Хадамот ва сохторҳои зертобеъи он дар нимсолаи якуми соли 2019 қаноатбахш ҳисоб карда шуда, вазифаҳо барои нимсолаи дуюм муаян карда шуданд.

 

Leave a Reply

Your email address will not be published. Required fields are marked *