Маълумот
оид ба тағйирёбии тарифи неруи барқ
Дар баробари рушд ёфтани соҳаҳои иҷтимоию иқтисодии ҷумҳурӣ талабот ба неруи барқ сол то сол зиёд гардида, зарурати таҳкими иқтидори истеҳсолии неруи барқро ба миён овардааст.
Боиси зикр аст, ки афзоиш додани иқтидори истеҳсолӣ бо роҳи сохтмони неругоҳҳои барқии хурду калон, таъмир ва азнавсозии неругоҳҳо ва системаи мавҷудаи неруи барқ ба даст меояд, ки барои ин маблағҳои зиёд зарур мебошанд.
Дар асоси қарори Ҳукумати Ҷумҳурии Тоҷикистон аз 31 августи соли 2022, №449 аз 1 октябри соли 2022 тарифҳои неруи барқ барои истифодабарандагон, аз ҷумла барои аҳолӣ ба андозаи 26,51 сомонӣ бо назардошти андоз аз арзиши иловашуда барои 1 кВт/соат муқаррар карда шудааст.
Омили болоравии тарифи неруи барқ ин зиёд гардидани маблағи хароҷот дар корхонаҳои соҳаи истеҳсол, интиқол ва тақсимоти неруи барқ (баланд гардидани нархи маводи сӯзишворӣ, равғанҳои молиданӣ, таҷҳизотҳои барқӣ ва ғайра) арзёбӣ мегардад.
Бояд қайд намуд, ки нархи фурӯши 1 кВт/соат неруи барқ то 30 сентябри соли 2022 барои аҳолӣ 22,66 дирамро бо назардоштии андоз аз арзиши иловашуда ташкил мекард.
Дар нархномаи нави тарифҳои неруи барқ ва гармӣ ҳисоби неруи барқи масрафшудаи моҳонаи аҳолӣ, ки аз 10 000 кВт/соат зиёд мешавад, фарқияти аз меъёри мазкур зиёдати истифодашуда бо тарифи барои гуруҳи 1 (барои истифодабарандагони саноатӣ ва ғайрисаноатӣ) муайяншуда ҳисобӣ карда мешавад.
Ҳамзамон дар нархномаи амалкунанда барои эҳтиёҷоти истеҳсолии корхонаҳое, ки бо оҳангудозӣ ва гармкунии металл машғуланд, тарифи алоҳида муайян гардида буд, ки нисбат ба истифодабарандагони саноатӣ ва ғайрисаноатӣ 24 фоиз зиёд буд.
Бо мақсади дастгирии соҳибкорони хурду миёна ва татбиқи ҳадафи саноаткунонии босуръати кишвар тарифи неруи барқ барои корхонаҳое, ки бо оҳангудозӣ ва гармкунии металл машғуланд ба гуруҳи 1 (барои истифодабарандагони саноатӣ ва ғайрисаноатӣ) дар нархномаи нави тарифи неруи барқ баробар карда шуд.
Дар Нархномаи қаблии №09-01-2019 «Тарифҳои неруи барқ ва гармӣ» гуруҳҳои истифодабарандагон нисбатан зиёд буданд ва ҳолатҳои аз ҷониби масъулини шабакаҳои барқӣ нодуруст истифодабарии нархномаиҳои муқарраргардида зиёд ошкор мегардид.
Дар қарори Ҳукумати Ҷумҳурии Тоҷикистон «Дар бораи тарифҳои неруи барқ ва гармӣ», ки аз 31 августи соли 2022, №449 тасдиқ гардидааст, ҳамаи гурӯҳҳои истифодабарандагон дар як ҷадвал пешбинӣ гардидаанд, ки ин шаффофияти истифодабарандагонро таъмин менамояд.
Ҳукумати Ҷумҳурии Тоҷикистон
ҚАРОР
аз 31 августи соли 2022 №449
Дар бораи тарифҳои неруи барқ ва гармӣ
Мутобиқи моддаи 9 Қонуни Ҷумҳурии Тоҷикистон «Дар бораи инҳисороти табиӣ» Ҳукумати Ҷумҳурии Тоҷикистон қарор мекунад:
1. Тарифҳои неруи барқ, ки аз ҷониби Ҷамъияти саҳомии кушодаи «Шабакаҳои тақсимоти барқ» ба истифодабарандагон тақсим мешаванд (ба истиснои Ҷамъияти саҳомии кушодаи «Ширкати Алюминийи Тоҷик»), тасдиқ карда шаванд (замимаи 1).
2. Тарифҳои неруи барқ барои истеҳсол ва интиқол, ки аз ҷониби Ширкати саҳомии холдингии кушодаи «Барқи Тоҷик» ва Ҷамъияти саҳомии кушодаи «Шабакаҳои интиқоли барқ» ба Ҷамъияти саҳомии кушодаи «Шабакаҳои тақсимоти барқ» интиқол дода мешавад, тасдиқ карда шаванд (замимаи 2).
3. Тарифҳои неруи гармӣ, ки аз ҷониби Ширкати саҳомии холдингии кушодаи «Барқи Тоҷик» ба истифодабарандагон интиқол дода мешавад, тасдиқ карда шаванд (замимаи 3).
4. Хадамоти зиддиинҳисории назди Ҳукумати Ҷумҳурии Тоҷикистон дар сурати тағйир ёфтани тарифи миёнаи неруи барқ бо қабули фармоиши дахлдори худ ба тарифҳои неруи барқ, ки аз ҷониби Ширкати саҳомии холдингии кушодаи «Барқи Тоҷик» ва Ҷамъияти саҳомии кушодаи «Шабакаҳои интиқоли барқ» аз рӯйи онҳо ба Ҷамъияти саҳомии кушодаи «Шабакаҳои тақсимоти барқ» хизматрасонӣ анҷом дода мешавад, коэффитсиенти тасҳеҳ (корректировка)-ро муайян намояд.
5. Қарорҳои Ҳукумати Ҷумҳурии Тоҷикистон аз 22 июни соли 2019, №329 «Дар бораи тарифҳои неруи барқ ва гармӣ» ва аз 27 апрели соли 2022, №210 «Дар бораи тарифҳо барои истеҳсол ва интиқоли неруи барқ» аз эътибор соқит дониста шаванд.
6. Қарори мазкур аз 1 октябри соли 2022 мавриди амал қарор дода шавад.
Раиси
Ҳукумати Ҷумҳурии Тоҷикистон Эмомалӣ Раҳмон
ш. Душанбе,
аз 31 августи соли 2022, № 449
Замимаи 1
ба қарори Ҳукумати
Ҷумхурии Тоҷикистон
аз 31 августи соли 2022, №449
Тарифҳои неруи барқ барои истифодабарандагон
| № | Гурӯҳҳои истифодабарандагон | Тариф ба 1 кВт соат бо дирам |
| Барои истифодабарандагони саноатӣ ва ғайрисаноатӣ | 60,65 | |
| Барои истифодабарандагони соҳаи буҷетӣ, соҳаҳои коммуналӣ, иншооти варзишӣ ва нақлиёти барқӣ | 26,51 | |
| Барои насосҳои қубурҳои об ва истгоҳҳои насосҳои обёри мошинӣ, пойгоҳҳои таъмирию истеҳсолии Агентии беҳдошти замин ва обёрии назди Ҳукумати Ҷумҳурии Тоҷикистон: – аз 1 апрел то 30 сентябр – аз 1 октябр то 31 март | 9,2 26,51 |
|
| Барои чоҳҳои амудии мелиоративӣ ва пойгоҳҳои обкашии мелиоративӣ | 9,2 | |
| Барои насосҳои интиқоли оби нӯшокӣ (ба истиснои насосҳои инфиродӣ) ва канализатсия | 12,6 | |
| Барои Ҷамъияти дорои масъулияти маҳдуди «Комбинати металлургии Тоҷикистон»: – аз 1 май то 30 сентябр – аз 1 октябр то 30 апрел | 10,64 60,65 |
|
| Барои муассисаҳои таълимӣ, гимназияҳои шахсӣ ва литсейҳое, ки ба системаи ягонаи маорифи Ҷумҳурии Тоҷикистон шомиланд ва ба маблағгузории буҷетӣ мансуб намебошанд: боғчаҳои бачагона ва дигар муассисаҳои кӯдакона, ки ба сохтори Вазорати маориф ва илми Ҷумҳурии Тоҷикистон шомил нестанд ва аз буҷети сатҳҳои мухталиф маблағгузорӣ намешаванд | 45,51 | |
| Барои аҳолӣ | 26,51 |
Эзоҳ:
1. Тарифҳо ба истиснои аҳолӣ ва насосҳои қубурҳои об ва истгоҳҳои насосҳои обёрии мошинӣ, пойгоҳҳои таъмирию истеҳсолии Агентии беҳдошти замин ва обёрии назди Ҳукумати Ҷумҳурии Тоҷикистон, чоҳҳои амудии мелиоративӣ ва насосҳои интиқоли оби нӯшокӣ (ба истиснои насосҳои инфиродӣ) ва канализатсия бе дарназардошти андоз аз арзиши иловашуда муқаррар карда шудаанд.
2. Муассисаҳои соҳаи маориф, тандурустӣ, хонаҳои бачагона, хона- парваришгоҳ, хонаҳои пиронсолон, муассисаҳои соҳаи фарҳангӣ, иттиҳодияҳои динӣ ва дигар муассисаҳое, ки фаъолияти тиҷоратӣ надоранд, вале аз ҳисоби фондҳои башардустона ва ё буҷети давлатӣ маблағгузорӣ мешаванд, бо тарифи барои муассисаҳои соҳаи буҷетӣ муқарраргардида ҳисоб карда шаванд.
3. Дар сурати аз 10000 кВт соат зиёд будани ҳисоби неруи барқи масрафшудаи моҳонаи аҳолӣ, фарқияти аз меъёри мазкур зиёдатӣ истифодашуда бо тарифи барои гурӯҳи 1 муқарраргардида ҳисоб карда мешавад.
Замимаи 2
ба қарори Ҳукумати
Ҷумҳурии Тоҷикистон
аз 31 августи соли 2022, №449
Тарифҳои неруи барқ барои истеҳсол ва интиқол
| № | Корхонаҳои истеҳсол ва интиқол | Тариф ба 1 кВт соат бо дирам |
| 1. | Тариф барои истеҳсоли неруи барқ, ки аз ҷониби Ширкати саҳомии кушодаи холдингии «Барқи Тоҷик» ба Ҷамъияти саҳомии кушодаи «Шабакаҳои тақсимоти барқ» интиқол дода мешавад | 11,70 |
| 2. | Тариф барои интиқоли неруи барқ, ки аз ҷониби Ҷамъияти саҳомии кушодаи «Шабакаҳои интиқоли барқ» ба Ҷамъияти саҳомии кушодаи «Шабакаҳои тақсимоти барқ» интиқол дода мешавад | 2,56 |
Эзоҳ:
– тарифҳои мазкур бе дарназардошти андоз аз арзиши иловашуда муайян карда шудаанд;
– андозбандии тарифҳои мазкур тибқи қонунгузории андоз ба роҳ монда шавад;
– Ҷамъияти саҳомии кушодаи «Шабакаҳои тақсимоти барқ» фаъолияти худро мутобиқи замимаи 1 қарори мазкур ба роҳ монад.
Замимаи 3
ба қарори Ҳукумати
Ҷумҳурии Тоҷикистон
аз 31 августи соли 2022, №449
Тарифҳои неруи гармӣ барои истифодабарандагон
| р/т | Гурӯҳҳои истифодабарандагон | Тариф ба 1 Гкал. бо сомонӣ |
| Барои муассисаҳо ва мақомоти идоракуние, ки аз ҳисоби маблағҳои буҷетӣ маблағгузорӣ мешаванд | 98,67 | |
| Барои Муассисаи «Шабакаи гармидиҳандаи шаҳри Душанбе»-и мақомоти иҷроияи ҳокимияти давлатии шаҳри Душанбе | 17,0 | |
| Барои ҳамаи истифодабарандагони боқимонда | 113,47 |